नवनियुक्त आईजीपी चन्द्र कुबेर खापुङले पाए दर्ज्यानी चिन्ह

काठमाडौँ । नेपाल प्रहरीका नवनियुक्त प्रहरी महानिरीक्षक (आईजीपी) चन्द्रकुवेर खापुङलाई आज दर्ज्यानी चिह्न प्रदान गरिएको छ।  

नवनियुक्त आईजीपी खापुङलाई गृह मन्त्रालयमा आयोजित एक कार्यक्रमका बिच गृह सचिव गोकर्णमणि दुवाडीले  दर्ज्यानी चिह्न प्रदान गरेका हुन् ।

गत शुक्रवारको मन्त्रिपरिषद् बैठकले नेपाल प्रहरीको केन्द्रिय अनुसन्धान ब्यूरो (सीआईबी) का प्रमुख रहेका बेला खापुङलाई ३२ औं आईजीपी नियुक्त गर्ने निर्णय गरेको थियो। 

नेपाल प्रहरीको प्रहरी निरीक्षक (इन्स्पेक्टर) मा वि.सं. २०५२ कात्तिक २७ मा  प्रवेश गरेका आईजीपी खापुङले आगामी कात्तिक २६ गतेसम्म नेपाल प्रहरीको कमाण्ड सम्हाल्ने छन् ।