तीनकुनेमा दुई जना मृत भेटिए

काठमाडौं । काठमाडौं तीनकुनेमा दुई जना मृत अवस्थामा फेला परेका छन्।

आज बिहान दुवै जना मृत भेटिएको प्रहरी वृत्त नयाँ बानेश्वरका डिएसपी हरि खतिवडाले जानकारी दिएका छन् ।

प्रहरीले दिएको जानकारी अनुसार दुवै जना एउटै पासोमा झुण्डिएको अवस्थामा फेला परेका हुन्।  उनीहरूको परिचय खुल्न बाँकी रहेको बताइएको छ।

घटनास्थलमा मुचुल्का उठाउने काम भइरहेको प्रहरीले जनाएको छ भने थप अनुसन्धान अगाडि बढाउने जनाएको छ।