दुर्घटनामा ज्यान गुमाएका सहायक हवल्दार दम्पतीका परिवारलाई विशेष कार्यदलको आर्थिक सहयोग

काठमाडौं । नेपाल प्रहरीको केन्द्रीय विशेष कार्यदलमा कार्यरत रहेका बेला मोटरसाइकल दुर्घटना ज्यान गुमाएका सहायक हवल्दार नरेश चौधरी र उनकी श्रीमती अनिता कुमारी चौधरीका परिवारलाई आर्थिक सहयोग प्रदान गरिएको छ।

गत कात्तिक १ गते भएको मोटरसाइकल दुर्घटनामा चौधरी दम्पतीको मृत्यु भएपछि विषेश कार्यदलमा कार्यरत प्रहरी कर्मचारीहरूले स्वैच्छिक रूपमा रकम संकलन गरेका थिए। सोही संकलनबाट जुटेको २ लाख ६२ हजार ६२६ रुपैयाँ ज्यान गुमाएका  चौधरीका बुबा चेतलाल चौधरीलाई हस्तान्तरण गरिएको हो।

कार्यदलका सदस्यहरूले यो सहयोग कठिन क्षणमा परिवारलाई केही राहत मिलोस् भन्ने उद्देश्यले गरिएको बताएका छन्।

दुर्घटनामा ज्यान गुमाएका दम्पतीप्रति श्रद्धाञ्जली अर्पण गर्दै उनका छोरा अंश चौधरीको शीघ्र स्वास्थ्य लाभको कामना समेत गरिएको छ।