प्रहरी हिरासतबाट भागेका थुनुवासँग भेटियो नेपाल प्रहरी लेखिएको पेस्तोल,उनीसँगै थप २ पक्राउ
काठमाडौँ । नेपाल प्रहरीले जेनजी आन्दोलनका क्रममा लुटिएका हतियारसहित ३ जनालाई पक्राउ गरेको छ । काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले गत भदौ २३ र २४ गतेको प्रदर्शनका क्रममा विभिन्न प्रहरी कार्यालयबाट लुटिएका हतियारसहित तीनजनालाई पक्राउ गरेको जानकारी दिएको छ।
पक्राउ पर्नेमा काठमाडौंको कलङ्कीका २८ वर्षीय रसिल जोशी, दार्चुला घर भई हाल काठमाडौँको सुन्धारा बस्ने १९ वर्षीय डेबिड भन्ने रामचन्द्र कुँवर र काठमाडौँ बाफलका ३१ वर्षीय विराटप्रसाद जोशी छन्।
कार्यालयका प्रवक्ता प्रहरी उपरीक्षक काजीकुमार आचार्यले आन्दोलनका क्रममा प्रहरीका हतियार लुटपाट गरी लुकाइराखेको विशेष सूचनाका आधारमा उनीहरूलाई पक्राउ गरिएको जानकारी दिए।
प्रहरीले पक्राउ परेकासँग नेपाल प्रहरी लेखिएको पेस्तोल एक थान र विभिन्न कम्पनीका मोबाइल दुई थान बरामद गर्यो। पक्राउ रसिल जोशी लागुऔषध मुद्दामा प्रहरी वृत्त स्वयम्भुमा थुनामा रहेको अवस्थामा जेनजी आन्दोलनको मौका छोपेर भागेको अनुसन्धानमा खुल्न आयो, उनले बताए।
पक्राउ परेका तीनैजनालाई आवश्यक अनुसन्धान तथा कारबाहीका लागि जिल्ला प्रहरी परिसर काठमाडौँमा पठाइएको सो कार्यालयले जनाएको छ।
२२३ ग्राम खैरो हेरोइनसहित तामाङ लागुऔषध नियन्त्रण ब्यूरोको नियन्त्रणमा
मंगलबार, मंसिर १६, २०८२
बाँकेका फरार प्रतिवादी बर्दिया प्रहरीको नियन्त्रणमा, ब्राउन सुगरसहित समातिए सिराहाका विनोद
सोमबार, मंसिर १५, २०८२
श्रोत नखुलेको १८ लाखसहित १९ वर्षीय युवक पक्राउ
सोमबार, मंसिर १५, २०८२
घरभित्र राखिएको बन्दुकसहित ६४ वर्षीय शालिकराम पक्राउ
सोमबार, मंसिर १५, २०८२- २२३ ग्राम खैरो हेरोइनसहित तामाङ लागुऔषध नियन्त्रण ब्यूरोको नियन्त्रणमा
- बारा सीमा सुरक्षाका 'फ्रन्टलाइन कमाण्डर’,जसले गर्दैछन् सीमा अपराधविरुद्ध निरन्तर प्रहार
- भारतबाट ल्याइएको साढे १३ लाख रुपैयाँ बढीको अवैध काजु सशस्त्र प्रहरीको नियन्त्रणमा
- प्रहरी हिरासतबाट भागेका थुनुवासँग भेटियो नेपाल प्रहरी लेखिएको पेस्तोल,उनीसँगै थप २ पक्राउ
- स्थानीय तह विपद् पूर्व तयारी र प्रतिकार्यमा साझा प्रतिबद्धता
