शैक्षिक भ्रमणमा आएकी स्नेहाको होटेलको छतबाट खसेर मृत्यु

चितवन । शैक्षिक भ्रमणमा आएकी एक किशोरीको होटेलको छतबाट खसेर मृत्यु भएको छ। 

चितवनस्थित रत्ननगर नगरपालिका-६ मा रहेको पार्क साइट होटलको छतबाट खसेर १८ वर्षीया स्नेहा पाख्रिनको मृत्यु भएको जिल्ला प्रहरी कार्यालय चितवनले जानकारी दिएको छ।

होटेलको छत खसेर गम्भीर घाइते भएकी स्नेहाको उपचारका क्रममा बकुलहर अस्पतालमा गए राति नै मृत्यु भएको चितवन प्रहरीले जनाएको छ।

सिन्धुली गुरुकुल कलेजबाट शैक्षिक भ्रमणमा चितवन आएकी स्नेहा सिन्धुलीको कमलामाई नगरपालिका- ६ की स्थायी बासिन्दा रहेको प्रहरीले जानकारी दिएको छ। जिल्ला प्रहरी कार्यालय चितवनले घटनाबारे थप अनुसन्धान अगाडि बढाइएको जनाएको छ।