भारतीय सेना प्रमुख धिरज सेठ आज नेपाल आइपुग्दै
काठमाडौं भारतीय स्थल सेनाध्यक्ष जनरल धिरज सेठ पाँचदिने औपचारिक भ्रमणका लागि आइतबार नेपाल आउने भएका छन्। नेपाली सेनाका प्रधानसेनापति महारथी अशोकराज सिग्देलको निमन्त्रणामा उनी नेपाल आउन लागेका हुन्।
जनरल सेठ आइतबार अपराह्न करिब ४ बजे त्रिभुवन अन्तर्राष्ट्रिय विमानस्थलमा अवतरण गर्ने नेपाली सेनाले जनाएको छ। भ्रमणका क्रममा उनलाई नेपाली सेनाको मानार्थ महारथीको दर्जा प्रदान गरिने कार्यक्रम छ।
सोमबार शीतल निवासमा आयोजना हुने विशेष समारोहमा राष्ट्रपति रामचन्द्र पौडेलले जनरल सेठलाई मानार्थ महारथीको दर्ज्यानी चिह्न प्रदान गर्नेछन्। नेपाल र भारतबीच सन् १९५० देखि दुवै देशका सेना प्रमुखलाई एकअर्काको सेनाको मानार्थ प्रमुखको दर्जा दिने परम्परा रहँदै आएको छ।
नेपाली सेनाका प्रवक्ता एवं सहायक रथी राजाराम बस्नेतका अनुसार भ्रमणका क्रममा जनरल सेठले राष्ट्रपति पौडेललगायत उच्च अधिकारीहरूसँग भेटवार्ता गर्नेछन्। प्रधानमन्त्री तथा रक्षामन्त्री बालेन्द्र शाहसँग भेटका लागि समेत पत्राचार गरिएको भए पनि त्यसको जवाफ भने प्राप्त भइनसकेको प्रवक्ता बस्नेतले बताएका छन्।
जनरल सेठ गत जुन ३० मा भारतीय सेनाको ३१औँ प्रधानसेनापतिका रूपमा नियुक्त भएका थिए। नेपाल भ्रमण उनको पदभार सम्हालेपछिको महत्वपूर्ण औपचारिक भ्रमणमध्ये एक हुनेछ।
प्रमाणबिनाको बेनामी उजुरीको भार: आरोप होइन, प्रमाण बोल्नुपर्छ
शनिबार, साउन ३०, २०८३
पत्रकार किशोर श्रेष्ठको रिहाइको माग गर्दै भद्रकालीमा सञ्चारकर्मीहरूको प्रदर्शन
बिहीबार, साउन २८, २०८३
निर्वाचन प्रहरी पोशाक खरिद प्रक्रियामा अनियमितता नभएको प्रहरी प्रमुखहरूको दाबी
बुधबार, साउन २७, २०८३
बाँके कारागारले भन्यो– ‘कपोलकल्पित र भ्रामक समाचारको पछि नलाग्नुस्’, 'कुनै सत्यता छैन'
सोमबार, साउन २५, २०८३
