मोटरसाइकल चोरी गरेर भागेका युवक टिपरको ठक्करबाट घाइते

काठमाडौँ । मोटरसाइकल चोरी भागेर जाँदै गरेका एक युवकलाई टिपरको ठक्करबाट  घाइते भएका छन् । 

काठमाडौंको कागेश्वरी मनोहरा नगरपालिका–९ स्थित बज्रयोगिनीबाट बागमती प्रदेश–०२–०४१ प ३९३८ नम्बरको मोटरसाइकल चोरेर भागेर नयाँ बसपार्क जाँदै गरेका २० वर्षीय दर्मातान तामाङलाई टिपरले ठक्कर दिदा घाइते भएको प्रहरीले जानकारी दिएको छ।

प्रहरीका अनुसार मोटरसाइकल चोरेर भाग्दै गरेका धादिङको गजुरी घर भएका तामाङलाई गए राति काठमाडौँ महानगरपालिका–३ महाराजगन्ज स्थित नारायणगोपाल चोकमा  बा४ ख १२०३ नम्बरको टिप्परले मोटरसाइकललाई ठक्कर दिँदा घाइते भएका हुन् ।

मोटरसाइकल चोरी गरेर तामाङ तीब्र गतिमा भाग्दै गरेको अवस्थामा टिपरले ठक्कर दिएर घाइते बनाएको टिपरलाई नियन्त्रणमा लिएपनि चालक फरार रहेको प्रहरीले जानकारी दिएको छ भने भने तामाङको प्रहरीको निगरानीमा उपचार भइरहेको प्रहरीले जनाएको छ।