बिजुलीको पोलमा चढेर काम गर्दै गरेका मजदुरको करेन्ट लागेर मृत्यु!

काठमाडौं । बिजुलीको पोलमा चढेर काम गरिरहेका एक मजदुरको करेन्ट लागेर मृत्यु भएको छ।

काभ्रेको धुलिखेल नगरपालिका वडा नम्बर–७ स्थित सञ्जीवनी चोकमा करेन्ट लागेर सर्लाही ईश्वरपुर नगरपालिका–१२ घारिबथानका २८ वर्षीय उपेस परियारको मृत्यु भएको प्रहरीले जानकारी दिएको छ।

प्रहरीका अनुसार  आज बिहान ११ बजे  धुलिखेल नगरपालिका-७ मा बिजुलीको पोलमा काम गरिरहेका परियारलाई ११ हजार बढी  भोल्टको हाइटेन्सन लाइनले छोएको थियो। विद्युत प्राधिकरणकै लापरबाहीले उपेशलाई करेन्ट लागेको आरोप रहेको छ।

प्रहरीले घटनाको अनुसन्धान गरिरहेको छ र शवलाई पोस्टमार्टमका लागि धुलिखेल अस्पताल पठाइएको छ। प्रहरीले घटनाको अनुसन्धानलाई अगाडि बढाएको  जनाएको छ।