सोह्रखुट्टेस्थित सिग्मा कलेजको क्यान्टिनमा भीषण आगलागी

काठमाडौं । कठमाडौँको सोह्रखुट्टेस्थित सिग्मा कलेजको क्यान्टिमा भीषण आगलागी भएको छ। 

काठमाडौं महानगरपालिका–१६ सोह्रखुट्टे स्थित सिग्मा कलेजको क्यान्टिमा आज बिहान भएको आगलागी सशस्त्र प्रहरी, नेपाल प्रहरी , स्थानीय र दमकलको सहयोगमा नियन्त्रणमा आएको सशस्त्र प्रहरी प्रधान कार्यालयले जानकारी दिएको छ।

सशस्त्र प्रहरीका अनुसार ग्याँस लिग भई आगलागी हुँदा क्यान्टिनमा रहेको सामान जलेर नष्ट भएका छन्। आगलागी भएको जानकारी पाए लगत्तै सशस्त्र प्रहरी बल नेपाल नं.२४ बाघभैरव गुल्म काठमाडौबाट सशस्त्र प्रहरी नायव उपरीक्षक अशोक कुमार न्यौपाने र सुरक्षा वेश काठमाडौ महानगरपालिका वारुणयन्त्र न्यूरोडबाट सशस्त्र प्रहरी नायव निरीक्षक धन बहादुर सुवेदीको कमाण्डमा खटिएको टोलीले आगलागी स्थाल पुगेको सशस्त्र प्रहरी प्रधान कार्यालयले जनाएको छ।

सशस्त्र प्रहरीका अनुसार आगलागी आज  बिहान करीव ८ बजे पूर्ण रुपमा नियन्त्रणमा आएको हो।