बालुवाटार प्रवेश गर्न खोजेपछि राप्रपा नेपालका अध्यक्ष कमल थापा पक्राउ

काठमाडौँ। प्रहरीले राप्रपा नेपालका अध्यक्ष कमल थापालाई पक्राउ गरेको छ।

राजावादी समूहले आज राजधानीको नारायण चौर क्षेत्रमा गरेको प्रदर्शनका क्रममा प्रहरीले अध्यक्ष थापालाई  पक्राउ गरेको हो।

प्रहरीले थापासहित केही राजावादीलाई पनि पक्राउ गरेको जनाएको छ। नारायण चौरबाट बालुवाटार जाने क्रममा प्रहरीले अध्यक्ष थापासहितलाई पक्राउ गरेको हो।

थापा नेतृत्वको प्रदर्शनकारी समूह बालुवाटार प्रवेश गर्न खोजेपछि प्रहरीले पक्राउ गरेको जानकारी दिएको छ।