न्युरो अस्पताल नेपालगन्जले भन्यो- जेन-जी प्रदर्शनका क्रममा घाइते हुनेलाई नि:शुल्क उपचार

नेपालगन्ज । सोमबारदेखि देशभर जेन-जीको प्रदर्शन शुरु भएको छ।  जेन-जीको प्रदर्शनमा सोमबारमात्रै काठमाडौं र इटहरी गरी १९ जना युवकको मृत्यु भइसकेको छ भने सयौं बढी घाइते भएका छन् । 

बाँकेमा प्रदर्शनका क्रममा घाइते हुने जेन-जी (सन् १९९७  देखि २०१२ सम्म) उमेर समूहका युवालाई नेपालगन्जस्थित न्युरो जनरल अस्पतालले नि:शुल्क उपचार गर्ने घोषणा गरेको छ।

न्युरो अस्पतालका अनुसार प्रदर्शनमा घाइते हुने जेन-जीहरु अस्पतालमा उपचार गराउन आएमा सबै उपचार नि:शुल्क गर्ने भएको हो। न्युरो अस्पतालले नेपालगन्जमा मात्रै नभई  बाँकेभरबाट प्रदर्शनमा घाइते भए उपचार गराउन आउन जानकारी गराएको हो।

न्युरो अस्पतालले देशमै सबैभन्दा पहिला घाइतेहरुको नि:शुल्क उपचार गर्ने घोषणा गरेको पहिलो निजी  अस्पताल  हो।

जेन-जीले सरकारले सामाजिक सन्जालमाथि लगाएको प्रतिवन्ध  लगायत भ्रष्टाचार र युवाप्रतिका थुप्रै मागसहित प्रदर्शनमा उत्रिएको हो।प्रदर्शनमा देशभरमा ३ सय बढी घाइते भएका थिए ।