पत्रकारलाई सुरक्षित भएर रिपोर्टिङमा जान पत्रकार महासंघका अध्यक्ष गिरीको आह्वान

नेपालगन्ज। बाँकेका सम्पुर्ण पत्रकारहरुलाई सुरक्षित भएर रिपोर्टिङमा जान अध्यक्ष नवीन गिरीले आग्रह गरेका छन् ।

नेपाल पत्रकार महासंघ बाँकेका अध्यक्ष गिरीले सामाजिक सञ्जाल फेसबुकमार्फत  देश विषम परिस्थितिबाट गुज्रिरहेको अवस्थालाई मध्यनजर गर्दै निषधित क्षेत्र तथा कर्फ्यूको समयमा रिपोर्टिङ गर्दा सुरक्षित भएर गर्न सबै पत्रकारलाई आह्वान गरेका हुन् ।

अध्यक्ष गिरीले भनेका छन् -" बाँकेका सम्पूर्ण पत्रकारज्यूहरु, मुलुक विषम् परिस्थितिबाट गुज्रिरहेको अवस्थालाई मध्यनजर गर्दै निषधित क्षेत्र तथा कफ्र्यूको समयमा कार्य क्षेत्रमा खटिँदा पत्रकारको परिचय खुल्ने परिचयपत्र बोक्न, सम्भव भए प्रेस लेखेको ज्याकेट लगाउन, समूहमा रहन, आफ्नो सुरक्षालाई पहिलो प्राथमिकतामा राखी सुरक्षाका उपायहरू अवलम्बन गर्न आग्रह गर्दछु । यो परिस्थितिमा 'सुझबुझपूर्ण जिम्मेवार पत्रकारिता' का लागि आह्वान गर्दछु । रिपोर्टिङका क्रममा 'असहज परिस्थिति' सिर्जना भए जानकारी गराउनुहुन अनुरोध छ ।"