श्रोत नखुलेको लाखौं रुपैयाँसहित ३६ वर्षीय मुन्ना पक्राउ

काठमाडौं । श्रोत नखुलेको लाखौं रुपैयाँसहित प्रहरीले एक जनालाई पक्राउ गरेको छ।

रौतहटको मौलापुर नगरपालिका-३ बाट स्रोत नखुलेको नगद ११ लाख ४७ हजार रूपैयाँ सहित बारा सिम्रौनगढ नगरपालिका-११ भवानीपुर बस्ने ३६ वर्षीय मुन्ना प्रसाद जैसवाललाई प्रहरीले पक्राउ गरेको हो।

इलाका प्रहरी कार्यालय मौलापुरबाट खटिएको प्रहरीले हरनैयाबाट देवाहीतर्फ जाँदै गरेको म.प्र-०३-०३३ प ३११० नम्बरको मोटरसाइकलमा सवार उनलाई आज उक्त नगद सहित पक्राउ गरेको प्रहरी प्रधान कार्यालयले जानकारी दिएको छ।

रौतहट प्रहरीले यस सम्बन्धमा थप आवश्यक अनुसन्धान गरिरहेको प्रहरी प्रधान कार्यालयले जनाएको छ।