नरेनापुरको मिनि फेवातालमा बेपत्ता पुरुष मृत फेला, सशस्त्र प्रहरीले निकाल्यो शव

काठमाडौं। रुपन्देहीको बुटवल उपमहानगरपालिका–१६ नरेनापुरस्थित मिनि फेवातालमा बेपत्ता भएका एक पुरुष मृत अवस्थामा फेला परेका छन्।

असोज २ गतेदेखि बेपत्ता रहेका शुद्धोधन गाउँपालिका–२, मौवारी निवासी अन्दाजी ५५ वर्षीय पुरुषको खोजी गर्ने क्रममा सशस्त्र प्रहरी बल, नेपाल सुरक्षा वेश बुटवलबाट खटिएको टोलीले मिनि फेवातालमा मृत अवस्थामा फेला पारेको हो।

सशस्त्र प्रहरीको टोलीले शव फेला पारी आवश्यक प्रक्रिया पूरा गरी सम्बन्धित निकायलाई बुझाएको जनाएको छ। घटनाबारे थप अनुसन्धान तथा आवश्यक प्रक्रिया सम्बन्धित निकायबाट भइरहेको सशस्त्र प्रहरीले जनाएको छ।