इन्द्रसरोवरमा इभी गाडी दुर्घटना: चार जनाको घटनास्थलमै मृत्यु

काठमाडौं । इन्द्रसरोवरमा इभी गाडी दुर्घटना हुँदा चार जनाको मृत्यु भएको छ। प्रहरीका अनुसार आज मकवानपुरको इन्द्रसरोवर गाउँपालिका–२, महालक्ष्मी खोला नजिकै इभी गाडी दुर्घटना हुँदा ४ जनाको मृत्यु भएको हो

काठमाडौँबाट हेटौँडातर्फ जाँदै  गरेको मधेश प्रदेश ०३–००१ ज ०७२० नम्बरको इभी मंगलबार दुर्घटनामा परेको हो। दुर्घटनामा गाडीमा सवार चार जनाको घटनास्थलमै मृत्यु भएको जिल्ला प्रहरी कार्यालय मकवानपुरले जनाएको छ।

प्रहरीका अनुसार इभीमा ८ जना सवार थिए। दुर्घटनामा गम्भीर घाइते भएका चार जनामध्ये तीन जनालाई उपचारका लागि काठमाडौँ र एक जनालाई हेटौँडा लगिएको छ

जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक माधव काफ्लेका अनुसार घटनास्थलमा प्रहरी र ट्राफिक टोली परिचालन गरिएको छ। मृतक तथा घाइतेको पहिचान खुल्न बाँकी रहेको प्रहरीले जनाएको छ।