भोटेकोशी बाढी: १ हजार ४ सय ३ जनाको शव फेला, ४ हजार ८९ जना अझै बेपत्ता

काठमाडौं । रसुवाको भोटेकोशीमा आएको विनाशकारी बाढीका कारण बुधबार दिउँसो २ बजेसम्म १ हजार ४ सय ३ जनाको शव फेला परेको छ ।

नेपाल प्रहरीका अनुसार फेला परेका शवमध्ये रसुवामा १ सय ९३ जना, नुवाकोटमा २ सय २ जना, धादिङमा ७२ जना, चितवनमा ३ सय ६४ जना, गोरखामा ७८ जना, तनहुँमा ३८ जना, नवलपरासी पूर्वमा २ सय ३२ जना र नवलपरासी पश्चिममा २ सय २२ जना रहेका छन् । साथै काठमाडौंमा उपचारका क्रममा २ जनाको मृत्यु भएको छ ।

फेला परेका शवको पहिचानका लागि डीएनए नमुना सङ्कलनलगायत आवश्यक प्रक्रिया पूरा गरी हालसम्म १ हजार २ सय ३५ वटा शव व्यवस्थापन गरिएको छ । शवहरूलाई माटोमुनि सुरक्षित राखिएको जनाइएको छ ।

शव पहिचानका लागि मृतकका १ हजार २ सय ८६ र आफन्तका १ हजार ९ सय ४ गरी कुल ३ हजार १ सय ९० वटा डीएनए नमुना सङ्कलन गरिएको छ । साथै पहिचान नभएका १ हजार ३ सय ६१ वटा शवको विवरण नेपाल प्रहरीको वेबसाइटमा समेत अपलोड गरिएको छ ।

बाढी प्रभावित क्षेत्रमा उद्धार, खोजी, राहत वितरण, शव व्यवस्थापनलगायतका कार्यका लागि हालसम्म ७ हजार ९ सय ७५ जना प्रहरी कर्मचारी परिचालन गरिएको छ । हालसम्म बेपत्ता भएका ४ हजार ८९ जनाको खोजी कार्य भइरहेको छ । यसैगरी विभिन्न जिल्लामा रहेका होल्डिङ सेन्टरमा २ हजार ८४ जना व्यक्तिलाई राखिएको छ प्रहरीले जनाएको छ।