११ लाख नगदसहित ३२ वर्षीय युवक प्रहरीको नियन्त्रणमा

काठमाडौं । स्रोत नखुलेको लाखौं रुपैयाँसहित प्रहरीले एक युवकलाई पक्राउ गरेको छ।

प्रहरीले बाराको  आदर्श कोतवाल गाउँपालिका-७ बाट स्रोत नखुलेको नगद ११ लाख २२ हजार रूपैयाँ सहित सुवर्ण गाउँपालिका-१ वगही बस्ने ३२ वर्षीय रोबिन कुमार यादवलाई पक्राउ गरेको हो ।

उक्त स्थानमा खटिएको प्रहरीले सिम्रौनगढबाट तेलकुवातर्फ आउँदै गरेको ना४१ प ३३८६ नम्बरको मोटरसाइकललाई जाँच गर्ने क्रममा चालक यादवको साथबाट उक्त नगद फेला पारी पक्राउ गरेको प्रहरी प्रधान कार्यालयले जनाएको छ।

प्रहरीले घटनाका बारेमा थप आबश्यक  अनुसन्धान गरिरहेको जानकारी दिएको छ।