गोठ भत्किँदा ६५ वर्षीय धनबहादुरको घटनास्थलमै मृत्यु, चौपाया पनि पुरिए

काठमाडौं ।  गोठ भत्किँदा एक जनाको मृत्यु भएको छ। आज बिहान स्याङ्जाको गल्याङ नगरपालिका–६ पिडीखोलामा भैँसी तथा बङ्गुरलाई कुडोपानी खुवाउने क्रममा अचानक गोठ भत्किँदा स्थानीय ६५ वर्षीय धनबहादुर रेश्मीको घटनास्थलमै मृत्यु भएको हो।

वडा अध्यक्ष दीपछिरिङ गुरुङका अनुसार गोठ भत्किँदा रेश्मी पुरिएका थिए। घटनामा गोठभित्र रहेका केही चौपाया पनि पुरिएर मरेका छन्।

प्रारम्भिक जानकारीअनुसार लगातारको वर्षाका कारण पुरानो गोठ कमजोर भई भत्किएको हुन सक्ने अनुमान गरिएको छ। घटनाबारे थप विवरण संकलन भइरहेको जनाइएको छ।