जेलबाट भागेका लागुऔषध मुद्दाका कैदी पक्राउ

सुनसरी । जेन्जी आन्दोलनका क्रममा झुम्का कारागारबाट फरार भएका लागुऔषध मुद्दाका एक कैदी पक्राउ परेका छन्।

पक्राउ पर्नेमा सुनसरीको धरान उपमहानगरपालिका–११ का २५ वर्षीय रन्जित विक (कोक्लेटो) रहेका छन्।

प्रहरीका अनुसार उनलाई सम्मानित सुनसरी जिल्ला अदालतले लागुऔषध मुद्दामा ८ वर्ष कैद सजाय सुनाएको थियो। 

सजाय भुक्तानका क्रममा रहेका विक जेन्जी आन्दोलनको समयमा झुम्का कारागारबाट फरार भएका थिए।

फरार रहेका विकलाई प्रहरीले खोजतलासका क्रममा पक्राउ गरेको हो। पक्राउ परेका उनलाई आवश्यक कानुनी प्रक्रिया पूरा गरी सम्बन्धित निकायमा बुझाइएको प्रहरीले जनाएको छ।