नौबस्ता कारागारका कैदीबन्दीले देखाए मानवीयताको उदाहरण, बाढीपीडितलाई मनकारी सहयोग

बाँके। कारागार कार्यालय नौबस्ता, बाँकेमा रहेका कैदीबन्दीहरूले भोटेकोशी बाढीबाट  प्रभावित नागरिकका लागि मनकारी रुपले आर्थिक सहयोग गरेका छन्।

विनाशकारी बाढी कारण मानवीय तथा भौतिक क्षति भएको घटनाप्रति दुःख व्यक्त गर्दै कारागार कैदीबन्दीहरुके मृतकप्रति श्रद्धाञ्जली तथा शोकसन्तप्त परिवारजनप्रति समवेदना प्रकट गरेको छ।

कारागारको “बी” ब्लकमा रहेका कैदीबन्दीहरूले स्वेच्छिक रूपमा रकम संकलन गरी बाढीपीडितका लागि राहतस्वरूप ४९ हजार ५ सय १० रुपैयाँ सहयोग  गरेका हुन्। बन्दीहरूले आफ्नो क्षमताअनुसार रकम जुटाएर विपद्मा परेका परिवारलाई सहयोग गर्ने प्रयास गरेको कारागार कार्यालयले जनाएको छ।

कारागार कार्यालयले विपद्को समयमा पीडित तथा प्रभावित नागरिकप्रति मानवीय संवेदना देखाउनु सबैको साझा दायित्व भएको बताउँदै सहयोगी भावना महत्वपूर्ण हुने उल्लेख गरेको छ।

बन्दीहरूले संकलन गरेको उल्लेखित रकम सम्बन्धित पीडितलाई राहतस्वरूप उपलब्ध गराइएको जनाइएको छ।