लागूऔषधसहित ६ जना बर्दिया प्रहरीको नियन्त्रणमा, अनुसन्धान अगाडि बढ्दै
बर्दिया । बर्दियामा प्रहरीले लागूऔषधसहित ६ जनालाई पक्राउ गरेको छ। जिल्ला प्रहरी कार्यालय बर्दिया तथा मातहतका प्रहरी कार्यालयबाट खटिएको टोलीले विभिन्न स्थानमा चेकजाँच तथा खोजतलासका क्रममा उनीहरूलाई पक्राउ गरेको हो।
जिल्ला प्रहरी कार्यालय बर्दियाका अनुसार बढैयाताल गाउँपालिका–८ कण्ठपुरबाट जस्टिन सिंह पक्राउ परेका छन्। उनको साथबाट १ ग्राम ४३० मिलिग्राम लागूऔषध, नाम उल्लेख नभएको ट्याब्लेट ५ वटा, इन्फिनिक्स कम्पनीको मोबाइल १ थान र ५ हजार ६५० रुपैयाँ नगद बरामद भएको हो।
सोही स्थानबाट आशिष थारु र आकाश थारुलाई पनि पक्राउ गरिएको प्रहरीले जनाएको छ । उनीहरूको साथबाट ६६० मिलिग्राम लागूऔषध, स्क्रिन टच मोबाइल १ थान र किप्याड मोबाइल २ थान बरामद गरिएको बर्दिया प्रहरीले जनाएको छ।
त्यस्तै, बारबर्दिया नगरपालिका–६ जयनगर बजारबाट दिलीप रावत पक्राउ परेका छन्। उनको साथबाट ६० मिलिग्राम लागूऔषध र २१ हजार ३७५ रुपैयाँ नगद बरामद भएको जिल्ला प्रहरी कार्यालय बर्दियाले जानकारी दिएको छ।
यसैगरी, बढैयाताल गाउँपालिका–६ रानीपुरबाट मनबहादुर थापा मगर र प्रविण गुरुङलाई ३९० मिलिग्राम लागूऔषधसहित पक्राउ गरिएको प्रहरीले जनाएको छ।
पक्राउ परेकाहरूमाथि लागूऔषधसम्बन्धी कसुरमा थप अनुसन्धान भइरहेको जिल्ला प्रहरी कार्यालय बर्दियाले जनाएको छ।
'प्रहरीसँग एक दिन': नरैनापुरका विद्यार्थीलाई प्रहरी कार्यालयको अवलोकनसँगै सुरक्षा सचेतना
बिहीबार, भदौ १८, २०८३
बाँकेको डुडुवा र कोहलपुरबाट लागूऔषध सहित ८ जना पक्राउ
बिहीबार, भदौ १८, २०८३
नेपालगन्जबाट खैरो हेरोइनसहित दुई पक्राउ, ३ लाखभन्दा बढी नगद बरामद
बुधबार, भदौ १७, २०८३- भोटेकोशी बाढीमा ज्यान गुमाएका सशस्त्र प्रहरीका परिवारलाई २५ लाख राहत
- 'प्रहरीसँग एक दिन': नरैनापुरका विद्यार्थीलाई प्रहरी कार्यालयको अवलोकनसँगै सुरक्षा सचेतना
- उद्धारमा खटिएका सुरक्षाकर्मी र कर्मचारीलाई जोखिम भत्ता, मृत्यु भए परिवारलाई १० लाख राहत
- बाँकेको डुडुवा र कोहलपुरबाट लागूऔषध सहित ८ जना पक्राउ
- लागूऔषधसहित ६ जना बर्दिया प्रहरीको नियन्त्रणमा, अनुसन्धान अगाडि बढ्दै
