बाँकेबाट १२ फरार प्रतिवादी पक्राउ

बाँके  । विभिन्न मुद्दामा अदालतबाट फैसला भई फरार रहेका १२ जना प्रतिवादीलाई बाँके प्रहरीले पक्राउ गरेको छ।

फैसला कार्यान्वयनलाई प्रभावकारी बनाउने उद्देश्यले जिल्ला प्रहरी कार्यालयबाट खटिएको  टोलीले भदौ १३ देखि हप्तादिनसम्म विभिन्न स्थानबाट उनीहरूलाई पक्राउ गरेको हो।

पक्राउ परेका प्रतिवादीहरूलाई आवश्यक कारबाहीका लागि सम्बन्धित निकायमा बुझाइएको बाँके प्रहरीले जनाएको छ।

प्रहरीका अनुसार पक्राउ परेका १२ जनामाथि अदालतबाट तोकिएको ५५ हजार ८ सय ५५ रुपैयाँ  जरिवाना र २ वर्ष १० महिना ४ दिन कैद फैसला कार्यान्वयन गर्न बाँकी रहेको थियो।