झण्डै साढे २२ लाख रुपैयाँ ठगी गरेको आरोपमा ४२ वर्षीय जीवन पक्राउ 

दाङ । झन्डै साढे २२ लाख रुपैयाँ ठगी गरेको आरोपमा बैंकिङ कसुर मुद्दामा प्रहरीले एक जनालाई पक्राउ गरेको छ।

रुकुम पश्चिमको आठबिसकोट नगरपालिका–१ स्यालाखाँदी घर भई आठबिसकोट नगरपालिका–९ स्थित राडीबजारमा बस्दै आएका ४२ वर्षीय जीवन बुढा पक्राउ परेका हुन्।

जिल्ला प्रहरी कार्यालयका प्रवक्ता प्रहरी निरीक्षक हेमन्त गिरीका अनुसार बुढालाई राडीबजारबाट पक्राउ गरिएको हो।

एक व्यक्तिलाई दिनुपर्ने २२ लाख ४३ हजार रुपैयाँ बराबरको रकम नदिएको उजुरीका आधारमा उनलाई पक्राउ गरिएको प्रहरीले जनाएको छ। उजुरी परेपछि प्रहरीले अदालतबाट पक्राउ पुर्जी लिएर बुढालाई पक्राउ गरेको हो।