२५ वर्षीय नक्कली वन अधिकृत सक्कली प्रहरीको नियन्त्रणमा

कैलाली । कैलालीमा एक जना नक्कली वन अधिकृतलाई सक्कली प्रहरीले नियन्त्रणमा लिएको छ।

कैलारी गाउँपालिका – ४ का २५ बर्षीय दिपेश चौधरीले आँफुलाई वन अधिकृत भन्दै स्थानीय एक युवतिलाई प्रेम सम्बन्धमा पारी उनका घर परिवारकार  नातादारलाई ठगी गरेको उजुरीका आधारमा उनलाई प्रहरीले पक्राउ गरेको हो। पक्राउ परेका चौधरीसँग गरिएको अनुसन्धान र वन विभागले दिएको जानकारी अनुसार उनी नक्कली वन अधिकृत बनेको खुल्न आएको प्रहरीले जनाएको छ।

प्रहरीका अनुसार पक्राउ परेका  चौधरीले वन कार्यालयमा नोकरी लगाइ दिने प्रलोभन देखाएर नक्कली परिचय पत्र तथा नियुक्ती पत्र बनाइ बिभिन्न ब्यक्तिलाई ठगी गरेको खुलेको कैलालीका प्रबक्ता डिएसपी योगेन्द्र तिमिल्सिनाले बताए ।

चौधरीलाई प्रहरीले धनगडी उपमहानगरपालिका – १ स्थित डिभिजन वन कार्यालय सडक खण्डबाट पक्राउ गरेको जनाएको छ। प्रहरी हिरासतमा रहेका ठगी आरोपी  नक्कली वन अधिकृत चौधरीमाथि ठगी तथा सरकारी कागजात दुरुपयोग कसुरमा मुद्दा दर्ताका लागि अनुसन्धान अगाडि बढाएको प्रहरीले जनाएको छ।