चोरी भएको मोटरसाइकलसहित दुई युवक प्रहरीको नियन्त्रणमा

रौतहट । रौतहट प्रहरीले चोरी भएको मोटरसाइकलसहित दुई युवकलाई पक्राउ गरेको छ। उनीहरुलाई प्रहरीले चोरी गरेको मोटरसाइकलमा चढेर यात्रा गर्दै गरेको अवस्थामा पक्राउ गरेको हो।

जिल्ला प्रहरी रौतहटको टोलीले चोरी भएको मोटरसाइकलसहित बौद्धीमाई नगरपालिका-५ का २१ वर्षीय मुकेश कुमार राम र २० वर्षीय अभिषेक यादवलाई पक्राउ गरेको जानकारी दिएको छ।

पोरोहा नगरपालिका-६ का मोतीलाल प्रसाद कुर्मीको ना२०प ५८३२ नम्बरको चोरी भएको मोटरसाइकल खोजतलास गर्ने क्रममा प्रहरीले बिहीवार अपराह्नमा बौद्धीमाई-५ बाट उक्त मोटरसाइकलसहित अभिषेक र मुकेशलाई पक्राउ गरेको रौतहट प्रहरीले जनाएको छ। 

प्रहरीले पक्राउ परेका दुई जनासँँग थप अनुसन्धान भइरहेको र अन्य मोटरसाइकल चोरीका घटनामा उनीहरु पनि संंलग्नता भएको हुन सक्ने आशंंका विस्तृत अनुसन्धानमा गर्दै गरेको रौतहट प्रहरी कार्यालयले जानकारी दिएको छ।