सिन्धुलीमा हायस दुर्घटना,१५ जना घाइते

सिन्धुली । सिन्धुलीमा हायस दुर्घटनामा १५ जना घाइते भएका छन् । जिल्लास्थित सिस्नेरीमा काठमाडौँबाट विराटनगर जाँदै गरेको बा ५ ख ६६१८ नम्बरको हायस दुर्घटना आज बिहान दुर्घटना भएको प्रहरीले जनाएको छ ।

प्रहरीका अनुसार हायसमा सवार १५ जना घाइते भएका छन् । घाइतेहरु सबैको सिन्धुली अस्पतालमा सामान्य उपचारपछि धरानस्थित वीपी स्वास्थ्य विज्ञान प्रतिष्ठान पठाइएको सिन्धुली प्रहरीले जनाएको छ।

प्रहरीले दुर्घटनामा परेको हायसमा १९ जना सवार रहेको जानकारी दिएको छ।