श्रोत नखुलेको लाखौं भारुसहित एक युवक पक्राउ

काठमाडौं । स्रोत नखुलेको ३ लाख बढी भारतीय रुपैयाँसाइत एक जनालाई प्रहरीले पक्राउ गरेको छ।

मोरङको जहदा गाउँपालिका-४ लक्ष्मीनियास्थित सडकबाट स्रोत नखुलेको ३ लाख १० हजार भारतीय रूपैयाँ सहित सोही गाउँपालिका-६ बस्ने २६ वर्षीय बिजय कुमार मण्डललाई शुक्रबार बेलुकी प्रहरीले पक्राउ गरेर अनुसन्धान थालेको प्रहरीले जनाएको छ।

इलाका प्रहरी कार्यालय पोखरीयाबाट खटिएको प्रहरीले बिराटनगरबाट पोखरीयातर्फ जाँदै गरेको प्र-१-०४-००१ प ३९१६ नम्बरको मोटरसाइकललाई जाँच गर्ने क्रममा चालक मण्डललाई उक्त नगद सहित फेला पारी पक्राउ गरेको मोरङ प्रहरीले जानकारी दिएको छ।

पक्राउ परेका मण्डललाई आबश्यक कारबाहीका आगि आइतबार कार्यालय खुलेपछि राजस्व अनुसन्धान कार्यालयमा पठाउने प्रहरीले जानकारी दिएको छ।