महिलाको हत्या गरी गाडिएको अवस्थामा शव भेटियो, श्रीमान् पक्राउ

जनकपुर। धनुषाको मिथिला नगरपालिकाकी एक महिलामो हत्या गरी शव गाडिएको अवस्थामा फेला परेको छ। सोही नगरपालिका-३ हरिहरपुरकी ५० वर्षीया महिला रेशमीदेवी बिनको हत्या गरी 

मिथिला नगरपालिका– ३ हरिहरपुरकी अन्दाजी ५० वर्षीया रेशमीदेवी बिनको घरको शौचालय पछाडि हत्या गरी गाडिएको अवस्थामा शव निकालिएको जिल्ला प्रहरी कार्यालय धनुषाले जानकारी दिएको छ।

प्रहरीले महिलाको हत्या गरेको आरोपमा उनका श्रीमान् दशैया मुखिया बिनलाई पक्राउ गरिसकेको जनाएको छ। प्रहरीका अनुसार हत्या गरी शव गाडिएको अवस्थामा बुधबार साँझ ७ बजे शव फेला परेको थियो।

धनुषा प्रहरी भन्छ-" श्रीमान् दशैयाले दिनहुँ घरायसी विवादमा भइरहेको अवस्थामा बुधबार दिउँसो १२ बजेपछि रक्सी पिएर लठ्ठिएका उनले श्रीमतीको हत्या गरी शव घर पछाडि गाडेको खुलेको छ।"

साँझसम्म घरकी बुहारी फेला नपरेपछि सोधपुछ गर्दा दशैयाले आफूले श्रीमतीलाई हत्या गरेर घर पछाडि गाडेको बताएपछि प्रहरीले खाल्डो खनेर हेर्दा रेशमीदेवीको शव फेला परेको जिल्ला प्रहरी धनुषाले जानकारी दिएको छ।

धनुषा प्रहरीले दशैयालाई हिरासतमा लिएर घटनाबारे थप अनुसन्धान सुरु गरेको जानकारी दिएको छ।