साढे ४ ग्राम बढी ब्राउन सुगर र प्रतिवन्धित औषधिसहित जमुनहाबाट एक युवक पक्राउ

नेपालगन्ज । प्रहरीले नेपालगन्जबाट ठुलो परिमाणमा ब्राउन सुगर र प्रतिवन्धित औषधि सहित एक युवकलाई पक्राउ गरेको छ।

इलाका प्रहरी कार्यालय जमुनहाबाट खटिएको टोलीले नेपालगन्ज-१५ जमुनहा नाकाबाट भारतको रुपइडिहाबाट नेपालतर्फ आउँदै गरेका बैजनाथ गाउँपालिका-५ का २५ वर्षीय रियाजुद्दिन हलवाईलाई आज दिउँसो ब्राउन सुगर र कोडिन नामक प्रतिवन्धित औषधिसहित पक्राउ गरेको जिल्ला प्रहरी कार्यालय बाँकेले जानकारी दिएको छ।

बाँके प्रहरीका अनुसार हलवाईको साथबाट ४ ग्राम ७७० मिलिग्राम ब्राउन सुगर र ३ बोटल प्रतिवन्धित औषधि कोडिन बरामद गरेको हो।

पक्राउ परेका हलवाईलाई लागुऔषध कसुरमा थप अनुसन्धान सुरु गरेको जिल्ला प्रहरी कार्यालयले बाँकेले जनाएको छ।