बर्दियाबाट हराएको मोबाइल फेला, ब्राउन सुगरसहित २ युवक पक्राउ, पेय पदार्थ बरामद

बर्दिया । बर्दियाबाट प्रहरीले ठुलो परिमाणमा किरानाजन्य सामगरि बरामद गरेको छ। जिल्ला प्रहरी कार्यालय बर्दियाले बढैयाताल गाउँपालिका-२ लामाचोकबाट भन्सार छली गरेर ल्याइएको ८३ हजार १२० रुपैयाँ बराबरको चिसो पेय पदार्थ बरामद गरेको हो।

त्यसैगरी बर्दियाबाट प्रहरीले  बढैयाताल गागँपालिका वडा नं. ०८ कण्ठपुर चेकपोष्टबाट ब्राउन सुगरसहित दुई युवकलाई नियन्त्रणमा लिएर आबश्यक कारबाहीका लागि सम्बन्धित कार्यालयमा बुझाएको प्रहरीले जनाएको छ।

बर्दिया प्रहरीका अनुसार पक्राउ पर्नेमा बाँसगढी नगरपालिका-८ बस्ने २५ वर्षीय श्रीकृष्ण श्रेष्ठ र सोही मोटरसाईकलमा सवार २२ वर्षीय राजितराम चौधरी रहेका छन् ।

प्रहरीले उनीहरुको साथबाट २६० मिलिग्राम ब्राउन सुगर र बा ५० प ७७३३ नं को मोटरसाइकलसमेत बरामद गरेको जिल्ला प्रहरी कार्यालय बर्दियाले जनाएको छ। पक्राउ परेका दुबै जनाविरुद्द लागुऔषध कसुरमा थप अनुसन्धान सुरु गरिएको प्रहरीले बताएको छ।

यसैगरी जिल्ला प्रहरी कार्यालय बर्दियाले हराएको मोबाइल फेला पारेर सम्बन्धित धनीलाई बुझाएको छ।

गत माघ १२ गते मोबाइल हराएको भनी बर्दिया प्रहरीमा परेको निवेदन अनुसार खोजतलास गर्ने क्रममा प्रहरीले उक्त मोबाइल फेला पारेको जानकारी दिएको छ।

प्रहरीले सम्बन्धित धनीलाई प्रहरी कार्यालयमा बोलाएर आबश्यक कागज जाँच पछि मोबाइल हस्तान्तरण गरेको जिल्ला प्रहरी कार्यालय बर्दियाले जानकारी दिएको छ।