नेपाल प्रहरीमा थप ६७७ जवानका लागि भर्ना खुल्यो

काठमाडौं । नेपाल प्रहरीमा ६ सय ७७ जना जवानका लागि नयाँ भर्नामा संख्या थप गरिएको छ।

यसअघि प्रहरीको जनपद समूहतर्फ जवान पदमा नयाँ भर्नाका लागि १ हजार १६५  संख्या रहेको थियो। पुनः प्रहरीमा ६ सय ७७ पद थपिएसँगै अब कुल १ हजार ८४२ जनाले प्रहरी जवान बन्ने अवसर पाउने भएका छन्।

प्रहरी प्रधान कार्यालय, मानवस्रोत विकास विभागले  एक सूचना जारी गर्दै पद थप गरिएको जानकारी दिएको हो।

नयाँ थपिएकोसहित  अब खुलातर्फ ९९३ जनाको माग गरिएको छ। यस्तै, समावेशी समूहतर्फ आदिवासी, जनजातिका लागि २६०, मधेसीका लागि २२८, महिलाका लागि १६२, दलितका लागि १२२, पिछडिएको क्षेत्रका लागि ४० तथा अमर अशक्त प्रहरी परिवारका लागि ३७ पदमा भर्ना गरिनेछ।