बाँकेमा साइबर अपराधका उजुरी बढ्दै

नेपालगन्ज । बाँके जिल्लामा साइबर अपराध सम्बन्धि  उजुरीमा वृद्धि हुँदै गएको  पाइएको छ।

जिल्ला प्रहरी कार्यालय बाँकेका प्रवक्ता (डीएसपी)दीपक पातलीले दिएको अनुसार आर्थिक वर्षको २०८१-८२ मा३ सय ९ वटा साइबर अपराधसम्बन्धी उजुरी परेकामा ती उजुरीमध्ये सबैभन्दा बढी नेपालगन्ज र कोहलपुरका रहेका छन् । 

दर्ता भएका उजुरीमध्ये दुई घटनाको मुद्दा दर्ता भएका छन् । दुवै घटना विद्युतीय अपराधसँग सम्बन्धित छन् । आ.व. २०८०-८१ मा २ सय ७० उजुरी परेकामा एउटा घटनाको मात्र मुद्दा दर्ता भएको छ । आ.व. २०७९-८० मा १ सय ६, आव २०७८-७९ मा ५८ उजुरी साइबर अपराधसम्बन्धी उजुरी परेका थिए । विदेशबाट पनि साइबर कानुन उल्लङ्घन गरेको पाइएको छ । 

साइबर कानुन उल्लङ्घन फेसबुक, इन्स्टाग्राम, भाइबर, ह्वाट्सएपजस्ता सामाजिक सञ्जालबाट हुने गरेको डीएसपी पातलीको भनाइ छ ।  रासस।