२३ वर्षीया युवतीलाई बलात्कार गर्ने २४ वर्षीय युवक पक्राउ

काठमाडौं । २३ वर्षीया युवतीलाई बलात्कार गरेको आरोपमा प्रहरीले २४ वर्षीय युवकलाई प्रहरीले पक्राउ गरेको छ।

पक्राउ पर्नेमा काठमाडौंको नक्साल बस्ने सिन्धुली दुधौली नगरपालिका-१२ घर भएका २४ वर्षीय तिलक घिसिङ रहेका छन् ।

तिलकले ती युवतीलाई भक्तपुरकि चाँगुनारायण नगरपालिका-७ बागेश्वरीमा असार ४ गते बलात्कार गरेको   भन्ने उजुरीको आधारमा जिल्ला प्रहरी परिसर भक्तपुरबाट खटिएको प्रहरीले उनलाई पक्राउ गरेको हो। 

प्रहरीले पक्राउ परेका तिलकविरुद्ध थप आबश्यक अनुसन्धान गरिरहेको प्रहरी प्रधान कार्यालयले जानकारी दिएको छ।