तुलसीपुरको मोतिपुरबाट ब्राउन सुगरसहित पैयाँवारीका १८ वर्षीय किशोर पक्राउ

दाङ। दाङको तुलसीपुरबाट प्रहरीले ब्राउन सुगरसहित १८ वर्षीय किशोरलाई पक्राउ गरेको छ।

इलाका प्रहरी कार्यालय तुलसीपुरको टोलीले तुलसीपुर उपमहानगरपालिका-७ मोतिपुरबाट ४२० मिलिग्राम  ब्राउन सुगरसहित सल्यानको कपुरकोट गाउँपालिका-३ पैयाँवारीका १८ वर्षीय किशोरलाई पक्राउ गरेको हो।

इलाका प्रहरी कार्यालय तुलसीपुरका अनुसार उक्त गिरोहका अन्य दुई जना फरार रहेका छन् । उनीहरुको खोजी कार्य जारी रहेको प्रहरीले जानकारी दिएको छ।

ती किशोरसँग लागुऔषध कसुर थप अनुसन्धान जारी रहेको बताउँदै आज दाङ जिल्ला अदालतबाट म्याद गरिने इलाका प्रहरी तुलसीपुरले जनाएको छ।