बन्दुकसहित एक युवक प्रहरीको नियन्त्रणमा

काठमाडौं । प्रहरीले भरुवा बन्दुकसहित एक जना पक्राउ गरेको छ।  अर्घाखाँचीको शितगंगा नगरपालिका-१२ का ३६ वर्षीय सन्दिप बहादुर कामीलाई प्रहरीले भरुवा बन्दुकसहित पक्राउ गरेको हो।  

प्रहरीका अनुसार कामीबाट  बन्दुकसहित बारुद, फलामका टुक्राहरू, केप बनाउन प्रयोग गरिएका कागजको टुक्राहरूसमेत बरामद भएको हो।

कामीलाई इलाका प्रहरी कार्यालय ठाडाबाट खटिएको टोलीले उनको गोठ जाँच  गर्दा उक्त हातहतियार फेला पर्दा  पक्राउ गरेको अर्घाखाँची प्रहरीले जानकारी दिएको छ ।

पक्राउ परेका कामीविरुद्ध हातहतियार मुद्दामा थप अनुसन्धान भइरहेको जिल्ला प्रहरी कार्यालय अर्घाखाँचीलेले जनाएको छ ।