७ जना अफ लाइन पठाओ राइडर प्रहरीको नियन्त्रणमा

काठमाडौं । प्रहरीले ७ जना पठाओ राइडरलाई पक्राउ गरेको छ। उपत्यका प्रहरी कार्यालय काठमाडौं र प्रहरी वृत्त महाराजगन्जको टोलीले माछापोखरीबाट अफ लाइन पठाओ चलाएको आरोपमा ७ जनालाई पक्राउ गरेको हो।

काठमाडौं  प्रहरी परिसरका अनुसार पक्राउ पर्नेमा नुवाकोट घर भएका नारायण पुडासैनी, दोलखाको बैतेश्वर घर भएका टेक बहादुर अधिकारी, गोरखा घर भएका जीवन कुमाल, काठमाडौंको तार्केश्वर घर भएका रामभक्त अर्याल, धादिङका रोशन चेपाङ, नुवाकोट तादीका केदार तिमल्सिना र धादिङका कुलबहादुर गुरुङ रहेका छन् ।

अफलाइनमा पठाओ चलाउँदा यात्रुलाई पर्ने असुरक्षाको हुने भएकाका कारण उनीहरू ७ जनालाई पक्राउ गरिएको  काठमाडौं प्रहरी परिसरले जानकारी दिएको छन् । 

पक्राउ परेका उनीहरुलाई एक पटकलाई सम्झाइ बुझाई गरेर छोड्ने र फेरि अर्को पटक यस्तो कार्य गरेमा कानुनी कारबाही अगाडि बढाइने जिल्ला प्रहरी परिसर काठमाडौंले जनाएको छ।