पोर्चुगल र हंगेरी पठाउने भन्दै लाखौं रुपैयाँ ठगी गर्ने २ जना पक्राउ
काठमाडौं । वैदेशिक रोजगारीमा आकर्षक तलबको प्रलोभनमा पारी पोर्चुगल र हंगेरी पठाइदिन्छु भन्दै रकम ठगी गरेको आरोपमा २ जनालाई प्रहरीले पक्राउ गरेको छ ।
पक्राउ पर्नेहरूमा भक्तपुरको सूर्यविनायक नगरपालिका-३ बस्ने बारा निजगढ नगरपालिका-१२ घर भएका ४१ वर्षीय राम बहादुर थिङ र भक्तपुर मध्यपुर थिमी नगरपालिका-३ बस्ने रामेछाप, रामेछाप नगरपालिका-३ घर भएका ३७ वर्षीय चन्द्र बहादुर सुवेदी रहेको प्रहरी प्रधान कार्यालयले जानकारी दिएको छ।
प्रहरी प्रधान कार्यालयका अनुसार पक्राउ परेकामध्ये राम बहादुरले पोर्चुगल पठाइदिन्छु भन्दै ६ जना पीडितहरूबाट २९ लाख रूपैयाँ र चन्द्र बहादुरले हंगेरी पठाइदिन्छु भन्दै १ जना पीडितबाट २ लाख ५० हजार रूपैयाँ लिई सम्पर्कबिहीन भएको भन्ने पीडितहरूको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले भक्तपुर मध्यपुर थिमी नगरपालिका-३ बाट राम बहादुर र चन्द्र बहादुरलाई पक्राउ गरेको हो ।
उनीहरूलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको प्रहरी प्रधान कार्यालयले जनाएको छ।
प्रहरीले बोक्ने पेस्तोलसँग मिल्दोजुल्दो ६ थान नक्कली पेस्तोलसहित ३१ वर्षीय युवक पक्राउ
शुक्रबार, भदौ ६, २०८२
'अपराध नियन्त्रणमा महिला प्रहरीको उपस्थिति अझ बढि प्रभावकारी'
बिहीबार, भदौ ५, २०८२
लोकसेवा आयोगको परीक्षामा नक्कली परीक्षार्थी, चार जना पक्राउ
बिहीबार, भदौ ५, २०८२
नेपाल प्रहरीमा महिलाको संख्या २० प्रतिशत पुर्याउने योजना छ: आईजीपी थापा
बिहीबार, भदौ ५, २०८२- छल्दी खोलाको बाढीले बगाएर मानबहादुरको मृत्यु, बुधबार रातिदेखि भएका थिए बेपत्ता
- प्रहरीले बोक्ने पेस्तोलसँग मिल्दोजुल्दो ६ थान नक्कली पेस्तोलसहित ३१ वर्षीय युवक पक्राउ
- सशस्त्र प्रहरीमा ठुलो संख्यामा नयाँ भर्ना आह्वान (सुचना र आवेदन दिने सकिने कार्यालयको नामावलीसहित)
- अख्तियार नेपालगञ्जमा ८७.२६ प्रतिशत उजुरी फर्छ्यौट,परेका थिए ९०३ उजुरी
- 'अपराध नियन्त्रणमा महिला प्रहरीको उपस्थिति अझ बढि प्रभावकारी'
