लोकसेवा आयोगको परीक्षामा नक्कली परीक्षार्थी, चार जना पक्राउ

सुर्खेत । लोकसेवा आयोगको परीक्षामा नक्कली परीक्षार्थी समाबेश भएको फेला पारिएको छ।  सुर्खेतको वीरेन्द्रनगर-७ स्थित लोकसेवा आयोग सुर्खेत कार्यालयमा सञ्चालित सञ्चार / इन्जिनियर प्राविधिक प्रहरी जवान परीक्षामा नक्कली परीक्षार्थीहरू पक्राउ परेको सुर्खेत प्रहरीले जानकारी दिएको छ।

प्रहरीका अनुसार नागरिकता र प्रवेश पत्रमा फोटो बदली गरेर सट्टामा परीक्षा दिन आएका ४ जना नक्कली परीक्षार्थीमध्ये दुई जनालाई प्रहरीले तत्काल नियन्त्रणमा लिन सफल भएको हो।

पक्राउ पर्नेहरूमा जाजरकोट छेडागाड -१२ बस्ने धर्मराज चनराको सट्टामा परीक्षा दिन आएका कुशे गाउँपालिका-७ सामाकोट बस्ने २५ वर्षीय श्याम शङ्कर सिंह र दैलेख भगवतीमाई गाउँपालिका-५ बस्ने सुशील शाहीको सट्टामा परीक्षा दिन आएका, सोही गाउँपालिका-७ ७ बस्ने २० वर्षीय भरत तिरुवा रहेका छन् ।

पक्राउ परेका व्यक्तिहरूमाथि लिखत तथा किर्ते कसुरमा अनुसन्धान भइरहेको जिल्ला प्रहरी कार्यालय सुर्खेतले जनाएको छ। प्रहरी टोलीले नियन्त्रणमा लिएर प्रारम्भिक अनुसन्धान अगाडि बढाइरहेको जिल्ला प्रहरी कार्यालय सुर्खेतले  जानकारी दिएको छ।