दाङमा टिपरको ठक्करबाट एक जनाको मृत्यु, अर्का एक घाइते

तुलसीपुर । दाङमा टिपरको ठक्करबाट मोटरसाइकल चालकको मृत्युु भएको छ भने अर्का एक जना घाइते भएका छन् ।

दाङ प्रहरीका अनुसार दुर्घटनामा घाइते भएका  मोटरसाइकलको पछाडि सवार सवार प्यूठानको ऐरावती गाउँपालिका-५ का १९ वर्षे सुशिल उपचारका क्रममा मृत्यु भएको हो । घाइते सुशील थापाको भालुबाङ अस्पतालमा उपचारका क्रममा मृत्यु भएको प्रहरीले जानकारी दिएको छ।मोटरसाइकल चालक २२ वर्षे प्रचण्ड थापा घाइते छन् ।

थापालाई भालुबाङ अस्पतालमा प्रारम्भीक उपचारपछि थप उपचारका लागि बुटवल रिफर गरिएको इलाका प्रहरी कार्यालय गढवाका प्रमुख प्रहरी निरीक्षक डबलबहादुर बमले जानकारी दिएका छन् ।

गढवा गाउँपालिका–१, धोद्रे पुल नजिक आज बिहान ६ बजेरित चन्द्रौटादेखि पश्चिम तर्फ जाँदै गरेको ना८ख ८२५९ नम्बरको टिपरले प्यूठानबाट चन्द्रौटा तर्फ जाँदै गरेको लु ३९ प ८३९० नम्बरको मोटरसाइकल ठक्कर दिएको थियो ।

मृतकको शव परीक्षणका लागि लमही अस्पताल पठाइएको छ । टिपर  र चालकलाई  प्रहरीले नियन्त्रणमा लिएर थप अनुसन्धान अगाडि बढाएको जनाएको छ।