मोटरसाइकल दुर्घटनामा स्ववियु सभापतिसहित दुई जनाको मृत्यु,एक जना पक्राउ

काठमाडौं । दुई वटा मोटरसाइकल एकआपसमा ठोक्किएर दुर्घटना हुँदा  स्ववियु सभापतिसहित दुई जनाको मृत्युु भएको छ। 

दोलखामा मोटरसाइकल दुर्घटना हुँदा गौरीशङ्कर बहुमुखी क्याम्पसका स्ववियु सभापति २४ वर्षीय शिरिष बस्नेत र २६ वर्षीय श्याम बहादुर खत्री ‘सुजन’को पनि मृत्यु भएको छ ।

गए राति ९ बजेतिर  दोलखाको भीमेश्वर नगरपालिका–६ स्थित रमितेडाँडामा मोटरसाइकल दुर्घटना हुँदा उपचारको क्रममा सभापति बस्नेतको च्छो रोल्पा अस्पताल चरिकोटमा मृत्यु भएको दोलखा प्रहरीले जानकारी दिएको  छ। 

मृतक सभापति भीमेश्वर नगरपालिका वडा नम्बर–५ माटीका  र खत्री बैतेश्वर गाउँपालिका–३ मिर्गेका वासीन्दा रहेको जिल्ला प्रहरी कार्यालय दोलखाले जानकारी दिएको छ।

दोलखा प्रहरीले दिएको जानकारी अनुसार काठमाडौँबाट चरिकोट जाँदै गरेका बस्नेतले चलाएको मोटरसाइकल लामोसाँघु जिरी सडक खण्डमा बाप्र०२–०३४ प ३२४२ नम्बरको मोटरसाइकलसँग ठोक्किएको थियो । उक्त मोटरसाइकलका चालक बैतेश्वर गाउँपालिका–५ बस्ने २५ वर्षीय निर्मल खड्का सामान्य घाइते भएका छन् । उनलाई प्रहरीले पक्राउ गरेर थप अनुसन्धान अगाडि बढाएको जनाएको छ।