सीआईबी प्रमुखको जिम्मेवारी एआईजी केसीलाई

काठमाडौं । एआईजी डा.मनोज केसी नेपाल प्रहरीको केन्द्रीय अनुसन्धान ब्यूरो (सीआईबी) प्रमुखमा नियुक्त भएका छन् ।

मन्त्रीपरिषदको आइतबारको बैठकले एआईजी केसीलाई सीआईबीमा सरुवा गर्ने निर्णय गरेको हो ।

नक्कली भुटानी शरणार्थी प्रकरणमा डा आरजु राणविरुद्ध अनुसन्धान अगाडि बढाउँदा त्यहाँबाट हटाइएका एआईजी  केसी फेरि सीआईबी प्रमुखका रुपमा सरुवा भएका हुन् । त्यसबेला उनी डीआईजी दर्जामा दोस्रो हैसियतमा त्यहाँ कार्यरत थिए ।

उनले ललिता निवास प्रकरणको पनि अनुसन्धान गरेका हुन् । उनी कात्तिक २७ मा रिक्त हुने ३३ औं आईजीका एक दावेदार पनि हुन् । एआईजी केसी एक अब्बल उच्च प्रहरी अधिकृतका रुपमा चिनिन्छन।