जेनजी आन्दोलनका क्रममा जेलबाट भागेका दुई अमेरिकी कैदी नियन्त्रणमा

काठमाडौँ । दुई अमेरिकी कैदीलाई प्रहरीले पक्राउ गरेको छ। बाल यौन दुराचार र जबरजस्ती करणी मुद्दामा दोषी ठहर भएर  कारागार चलान भएका अमेरिकी नागरिकहरु माइकल नोर्मन टेलर र जसोन लोड मुडीलाई प्रहरीको केन्द्रीय अनुसन्धान ब्यूरो (सीआईबी) ले पक्राउ गरेको हो।

जेनजी आन्दोलनका क्रममा कारागारबाट भागेका माइकल नोर्मन टेलरलाई कास्की जिल्ला कारागारमा रहेका थिए। उनलाई कास्की अदालतको आदेशले बाल यौन दुराचार मुद्दामा दोषी ठहर गरेको थियो।

त्यसैगरि अर्का अमेरिकी नागरिक जसोन लोड मुडी जगन्नाथ देवलमा रहेका थिए ।उनलाई  काठमाडौँ जिल्ला अदालतको आदेशले जबर्जस्ती करणी मुद्दामा दोषी ठहर गरेको थियो। उनीहरु दुबै जना भदौ २४ गते कारागारबाट भागेको सीआईबीले जनाएको छ।

उनीहरु दुबै जनालाई लुकिछिपी बसेको अवस्थामा आज सीआईबीको टोलीले महाराजगन्ज क्षेत्रबाट पक्राउ गरेर सम्बन्धित कारागारमा पठाउने तयारी गरिएको  ब्यूरोले जानकारी दिएको छ।