एसपी जिसीले सम्हाले बाँके जिल्लाको कमाण्ड,उच्च मनोबल र दृढ़ विश्वासका साथ काम गर्न निर्देशन

बाँके । प्रहरी उपरीक्षक (एसपी) अंगुर जिसीले जिल्ला प्रहरी कार्यालय बाँकेको कमाण्ड सम्हालेका छन। एसपी जिसीले आज बाँके प्रहरी प्रमुखका रूपमा पदभार ग्रहण गर्दै जिल्लाको शान्तिसुरक्षाप्रति कटिबद्ध भएर लाग्ने प्रतिवद्दता व्यक्त गरेका हुन् ।

जिल्लाको कमाण्ड सम्हाल्दै एसपी जिसीले  इमान्दारितापूर्वक काम गर्न प्रहरी जवानदेखि सम्पुर्ण प्रहरी अधिकारी समेतलाई निर्देशन दिएका छन्।निर्देशन दिदै एसपी जिसीले  सबैभन्दा पहिला प्रहरी कर्मचारीको चालचलन सहि हुनुपर्ने बताउँदै संगठनले दिएको जिम्मेवारीलाई कर्तव्यनिष्ठ र इमानदारीपूर्वक निभाउन निर्देशन दिएका थिए। गलत कार्य जो सुकै भएपनि कानुनको दायरा ल्याउन पछि नहट्न प्रहरी कर्मचारीलाई उनले निर्देशन दिएका हुन् ।

वर्तमान समयमा सबै प्रहरीको मनोबल  गिरेको अवस्था भएपनि उच्च मनोबलका साथ र दृढ़ विश्वास लिएर संगठनले दिएको काम गर्न प्रहरीका सकल दर्जालाई सुझावसहिको निर्देशन दिइएको जिल्ला प्रहरी कार्यालय बाँकेले जानकारी दिएको छ।

अपराध नियन्त्रणतर्फ गम्भीर भएर लाग्न बताउँदै एसपी जिसीले समाजमा भयावह फैलाउने र समाजमा दुर्गन्ध बनाउने लागुऔषध कारोबारीविरुद्ध खरो रुपले उत्रन  निर्देशन समेत दिएका छन् । प्रहरीले सवारी दुर्घटना न्यूनीकरलाई प्राथमिकतामा राखेर जनमानसलाई सचेतना कक्षा दिनुपर्ने एसपी जिसीले मातहतका प्रहरी कर्मचारीलाई निर्देशन दिएका हुन् ।

एसपी जिसी काठमाडौं उपत्यका अपराध अनुसन्धान कार्यालयबाट सरुवा भइ बाँके आएका एसपी जिसी अपराध नियन्त्रणतर्फ कडाइका साथ लागिपर्ने प्रहरी अधिकृत हुन् ।