प्रधानमन्त्री र मैले गोली चलाउने आदेश नै दिएका थिएनौं: रमेश लेखक

काठमाडौं ।गत  भदौ २३ र २४  गते भएको जेनजी आन्दोलनमा सरकारले गोली हान्ने आदेश नदिएको निवर्तमान गृहमन्त्री रमेश लेखकले  बताएका छन् ।

आज पत्रकारहरुसँगको कुराकानीमा लेखकले भने-"  प्रधानमन्त्रीजीले वा गृहमन्त्रीले आदेश गरेको भनेर विभिन्न चर्चाहरू उठेका छन् । " यो प्रधानमन्त्रीले गृहमन्त्रीले कुनै पनि रुपमा आदेश गर्ने विषय होइन । त्यस्ता खालका कुनै आदेश पनि गरिएको छैन,’ उक्त आन्दोलनपछि पहिलोपटक मिडियामा सार्वजनिक भएका लेखकले भने ।

निवर्तमान गृहमन्त्री लेखकले सोही बेलामा पनि घुसपैठ भएको विषय सत्य देखिएको समेत बताए ।

‘घुसपैठ भएको विषय मैले नै भनिरहेको विषय होइन । स्वयं प्रदर्शनका आयोजकहरूले नै भनिरहेको विषय थियो,’ लेखकले भने, ‘त्यो पछि यथार्थमा सत्य देखियो । जसका कारणले यत्रो ठूलो पीडादायी घटना भएका हुन्।’