नेपालगन्जबाट ब्राउन सुगरसहित दुई युवक वडा प्रहरी कार्यालयको नियन्त्रणमा

बाँके। बाँकेको नेपालगन्जबाट ब्राउन सुगरसहित प्रहरीले दुई युवकलाई पक्राउ गरेको छ। जिल्ला प्रहरी कार्यालय बाँकेका अनुसार १ सय ७० मिलिग्राम ब्राउन सुगरसहित बाँके र बर्दियाका दुई युवकलाई पक्राउ गरिएको हो।

ब्राउन सुगरको कारोबार भइरहेको सूचनाका आधारमा वडा प्रहरी कार्यालय नेपालगन्जबाट खटिएको टोलीले कोहलपुर-११ का ३१ वर्षीय दिलप्रसाद थारु र बर्दियाको बाँसगढी नगरपालिका-१ बबईका २१ वर्षीय सुशील बिकलाई ब्राउन सुगरसहित पक्राउ गरेको जिल्ला प्रहरी कार्यालय बाँकेले जानकारी दिएको छ।

आइतबार दिउँसो नेपालगन्ज-१३ लालापुर्वाबाट पक्राउ परेका दुबै जनाविरुद्ध लागु औषध कसुरमा थप अनुसन्धान सुरु गरिएको जिल्ला प्रहरी कार्यालय बाँकेले जनाएको छ।