अझै फरार छन् करिब ५ हजार कैदी, समाजमा त्रास कायमै
काठमाडौँ । देशका विभिन्न कारागार र बाल सुधार गृहबाट भागेका मध्ये अझै ५ हजार कैदी फरार रहेका छन् । ‘जेनजी’ आन्दोलनका क्रममा देशका विभिन्न २८ कारागार र सुधारगृहबाट भागेका १३ हजार ५८५ कैदी र ९ बाल सुधारगृहबाट ९६४ बालबन्दी गरी १४ हजार ५४९ बन्दी भागेकामध्ये अझै करिब ५ हजार कैदी फरार छन् ।
तीमध्ये हालसम्म ९ कैदी र ५८२ बालबन्दी गरी कुल ९ हजार ५८२ बन्दी कारागार फर्केका छन् । कारागार व्यवस्थापन विभागका निर्देशक चोमेन्द्र न्यौपानेका अनुसार ४ हजार ५९६ कैदी र ३८६ बालबन्दी गरी कुल चार हजार ९८२ बन्दी अझै फरार छन् ।
सरकारले फरार कैदीबन्दीलाई कारागार फर्कन ‘अल्टिमेटम’ दिएको छ । ठूलो सङ्ख्यामा विभिन्न कसुरमा कैद सजाय भुक्तान गरिरहेका कैदी फरार हुँदा समाजमा सुरक्षा चुनौती थपिएपछि सरकारले फरार कैदीबन्दीलाई कारागारमा फर्काउन विशेष अभियान सञ्चालन गरिरहेको छ । अभियानअन्तर्गत फरार कैदीलाई नियन्त्रणमा लिँदै सुरक्षाकर्मीले सम्बन्धित कारागारमा बुझाइरहेका छन् ।
मन्त्रालयले कारागार बाहिर रहेका कैदीबन्दीलाई खोजी, नियन्त्रण र पक्राउ गरी कारागारमा शीघ्र फिर्ता ल्याउन सम्बन्धित जिल्लाका सहायक प्रमुख जिल्ला अधिकारीको संयोजकत्वमा सुरक्षा तथा अन्य निकायका प्रतिनिधि सदस्य रहने गरी फरार बन्दी खोजी तथा पक्राउ कार्यदलसमेत गठन गरेको थियो ।
प्रदर्शनको मौका पारेर सुनसरीको झुम्का, सोलुखुम्बु, सप्तरी, महोत्तरी, रौतहट, सिन्धुली, काठमाडौँका नक्खु, डिल्लीबजार, जगन्नाथदेवल, मकवानपुर, रसुवा, चितवन, तनहुँ, कास्की, पर्वत, म्याग्दी, कपिलवस्तु, दाङ तुलसीपुर, नौवस्ता बाँके, रुकुम पश्चिम, नवलपरासी, जुम्ला, बझाङ, कैलाली, दार्चुला, बैतडी, डडेल्धुरा र कञ्चनपुर कारागारबाट १३ हजार ५८५ कैदीबन्दी भागेका थिए । यस्तै, मोरङ, पर्सा, भक्तपुर, मकवानपुर, कास्की, रुपन्देही, जयण्डु, नौवस्ता र डोटी बालसुधारगृहबाट ९६४ बालबन्दी भागेका थिए ।
सुरक्षा घेरा तोडेर भाग्ने क्रममा रामेछापमा तीन, धादिङ र सप्तरीमा दुई÷दुई कैदीको गोली लागेर मृत्यु भएको थियो । यस्तै, नौवस्ता बालसुधारगृहमा झडप हुँदा पाँच र डोटी बालसुधारगृहमा एक बालबन्दीको मृत्यु भएको थियो । कारागार कार्यालयहरूले फरार कैदीबन्दीलाई अविलम्ब कारागारमा फर्की आउन सूचित गराउँदै आएका छन् । सरकारको सूचनालाई बेवास्ता गरी फरार रहेका कैदीबन्दीलाई प्रचलित कानुनबमोजिम कारबाही गरिने विभागले जनाएको छ ।
देशभरका ७२ जिल्लामा रहेका ७५ वटा कारागार र बालगृहमा विभिन्न कसुरमा सजाय भोगिरहेका ३० हजार ६४१ कैदी र बालबन्दी रहेका छन् ।
सुत्केरी गराउन आएकी महिलाको मृत्युपछि किष्ट हस्पिटल तोडफोड,प्रहरीले हान्यो अश्रुग्यास र लाठीचार्ज
सोमबार, कात्तिक १०, २०८२
विवादमा परेका बाँकेका सीडीओ जोशीको सरुवा, उनको स्थानमा दिलकुमार तामाङ
आइतबार, कात्तिक ९, २०८२
विपीन जोशीको अन्त्येष्टि, सशस्त्र प्रहरीको सलामी
मंगलबार, कात्तिक ४, २०८२
जेनजी आन्दोलनमा लुटिएका हतियार फिर्ता ल्याउन गृहले 'विशेष अपरेशन' सञ्चालन गर्दैछ:गृहमन्त्री
आइतबार, कात्तिक २, २०८२- अझै फरार छन् करिब ५ हजार कैदी, समाजमा त्रास कायमै
- सुत्केरी गराउन आएकी महिलाको मृत्युपछि किष्ट हस्पिटल तोडफोड,प्रहरीले हान्यो अश्रुग्यास र लाठीचार्ज
- जाजरकोटमा जात्रा हेर्न गएका दैलेखका युवकको हत्या,नौमुलेकै ६ युवक पक्राउ
- कैलालीमा घरायसी विवादमा हथौडाले हानेर श्रीमतीले गरिन श्रीमानको हत्या
- नेपाल प्रहरीका ५ जना एसएसपी डीआईजी बढुवाका लागि सिफारिस
