अवैध सालका काठ बोकेको ट्याक्टरसहित दुई जना दाङ प्रहरीको नियन्त्रणमा

दाङ । दाङ प्रहरीले अवैध रुपले तस्करी हुँदै गरेको सालको काठसहित दुई जनालाई नियन्त्रणमा लिएको छ।  जिल्ला प्रहरी कार्यालय दाङका अनुसार सालका काठ र दुई जनासहित एउटा ट्याक्टरलाई पनि नियन्त्रणमा लिइएको हो।

पक्राउ पर्नेमा राप्‍ती गाउँपालीका-१ पाखापानी बस्ने ४३ वर्षीय डिल्लीराज गिरी र गढवा गाउँपालीका-१ कालाकाटे बस्ने ३९ वर्षीय ट्याक्टर चालक बिकास घर्तिमगर रहेको जिल्ला प्रहरी कार्यालयले दाङले जानकारी दिएको छ। 

कात्तिक ३ गते राति ८ बजे राप्ती गाउँपालिका-१ पूर्व-पश्चिम राजमार्गस्थित पुलचोकमा चेकिङका क्रममा कालाकाटे देखी पाखापानी तर्फ जाँदै गरेको रा१त २१२१ नम्बरको ट्याक्टरमा राखेर अवैध रुपले तस्कर गरेर लैजादै गरिएका १४ थान सालको चिरानको ३८.८७ क्युफिट काठ भालुबाङ प्रहरीले बरामद गरेको जिल्ला प्रहरी कार्यालय दाङले जनाएको छ।

सालको काठसहित पक्राउ परेका दुबै जना र नियन्त्रणमा लिइएको ट्याक्टरलाई आबश्यक कारबाहीका लागि डिभिजन बन कार्यालय लमहीमा पठाइएको जिल्ला प्रहरी कार्यालय दाङले जानकारी दिएको छ।