कोहलपुरको म्याक्स होटलमा प्रहरीको छापा, अनलाइन सट्टेबाजी, ४२ जना पक्राउ, विभिन्न उपकरण बरामद
कोहलपुर । बाँकेको कोहलपुरस्थित एक होटलमा प्रहरीले छापा मारेर अनलाइन सट्टेबाजी सञ्चालन गरेको आरोपमा ४२ जनालाई पक्राउ गरेको छ ।
कोहलपुर नगरपालिका–११ स्थित होटल म्याक्समा छापा मार्दा ४० जना भारतीय नागरिक र दुई जना नेपाली नागरिक पक्राउ परेका जिल्ला प्रहरी कार्यालय बाँकेले जनाएको छ ।
जिल्ला प्रहरी कार्यालय बाँकेका सूचना अधिकारी प्रहरी नायव उपरीक्षक प्रतित सिंह राठौरका अनुसार पक्राउ परेकाहरू प्रारम्भिक अनुसन्धानका क्रममा अनलाइन सट्टेबाजीसँग जोडिएको देखिएको छ ।
प्रहरीले उनीहरूको साथबाट ७० भन्दा बढी मोबाइल फोन, ल्यापटप, कम्प्युटरलगायत विद्युतीय उपकरणसमेत बरामद गरेको छ । बरामद उपकरणको परीक्षण तथा पक्राउ परेकाहरूमाथि थप अनुसन्धान भइरहेको प्रहरीले जनाएको छ ।
जिल्ला प्रहरी कार्यालय बाँकेबाट खटिएको प्रहरी निरीक्षक रमेश विष्ट र प्रहरी वरिष्ठ नायब निरीक्षक रमेश बजगाईँको टोलीले होटलमा छापा मारेर उनीहरूलाई नियन्त्रणमा लिएको हो।
घटनाबारे थप अनुसन्धान जारी रहेको राठौरले जानकारी दिए । विस्तृत विवरण आउन बाँकी।
बाँके र बर्दियामा ब्राउन सुगरसहित तीन जना पक्राउ
मंगलबार, असोज ६, २०८३
सुर्खेतमा श्रीमान्को फरुवा प्रहारबाट श्रीमतीको घटनास्थलमै मृत्यु
मंगलबार, असोज ६, २०८३
पाल्हिनन्दनमा कुटपिटबाट घाइते युवकको उपचारका क्रममा मृत्यु, सुनिल पक्राउ
मंगलबार, असोज ६, २०८३
- कोहलपुरको म्याक्स होटलमा प्रहरीको छापा, अनलाइन सट्टेबाजी, ४२ जना पक्राउ, विभिन्न उपकरण बरामद
- बाँके र बर्दियामा ब्राउन सुगरसहित तीन जना पक्राउ
- सुर्खेतमा श्रीमान्को फरुवा प्रहारबाट श्रीमतीको घटनास्थलमै मृत्यु
- पाल्हिनन्दनमा कुटपिटबाट घाइते युवकको उपचारका क्रममा मृत्यु, सुनिल पक्राउ
- बाँके प्रहरीको अपराध अनुसन्धानदेखि सुरक्षासम्मको प्रगति: १५२ मुद्दा दर्ता, १३७ प्रतिवादी पक्राउ
