३६ वर्षीय आफ्नै दाइको हत्या आरोप ३४ वर्षीय भाइ प्रहरीको नियन्त्रणमा

काठमाडौं । प्रहरीले आफ्नै दाइको हत्या आरोपमा भाइलाई पक्राउ गरेको छ।  

नवलपरासी पश्‍चिममा आफ्नै ३६ वर्षीय दाइ कृष्ण बहादुर शाहीको हत्या गरेको आरोपमा बर्दघाट नगरपालिका-१ पुनर्बास बस्ने ३४ वर्षीय चित्र बहादुर शाहीलाई पक्राउ गरेको हो।

चित्र बहादुरले कोदालोको बिडले प्रहार गर्दा कृष्णको घटनास्थलमै मृत्यु भएको भन्ने खबर प्राप्त हुनासाथ इलाका प्रहरी कार्यालय बर्दघाटबाट खटिएको प्रहरीले चित्र बहादुरलाई पक्राउ गरेको हो । 

पक्राउ परेका चित्रबहादुरसँग थप आबश्यक अनुसन्धान अगाडि बढाइएको नवलपरासी प्रहरीले जानकारी दिएको छ।