भारत बेच्न लैजान लागिएकी बालिकाको प्रहरीद्वारा सकुशल उद्धार

तौलिहवा । प्रहरीले बेचबिखन गर्ने उदेश्यले भारततर्फ लैजाँदै गरिएकी एक बालिकाको सकुशल उद्धार गरेको छ ।कात्तिक १९ गते दिउँसो कपिलवस्तुको सीमा नाका कृष्णनगर नगरपालिका-२ बाट बालिकाको उद्धार गरिएको जिल्ला प्रहरी प्रबक्ता डिएसपी रिपेन्द्रकुमार सिंहले बताए ।

परिवर्तित नाम नाबालिका ८२-०८३ (५१) ख कृष्णनगरलाई फोन मार्फत नेपालमै राम्रो कमाई हुने हुँदा भन्दै नेपालमै राम्रो काममा लगाई दिन्छु भनेर बोलाइएको थियो । प्रहरीले रुकुम पश्चिमको मुसिकोट नगरपालिका-१३ का २३ बर्षीय अर्जुन रोकालाई नियन्त्रणमा लिएको छ ।

जस्ले बालिकालाई ललाल फकाई आर्थिक प्रलोभनमा पारी भारतमा पुर्‍याएर बेचबिखत गर्ने उदेश्य राखेको तथ्य अनुसन्धानबाट खुलेको डिएसपी सिंहले जानकारी दिएका छन् ।

सोधपुछ र अनुसन्धान बाट रोकाले ती बालिकालाई नेपालमै राम्रो रोजगारीमा लगाइ दिने प्रलोभनमा पारेर भारत पुर्‍याउने तयारी गरेको पहरी प्रबक्ता डिएसपीले बताए । रोकाको आश्वासनका कारण ती बालिका बालिका घरबाट बुटवल हुदै कृष्णनगर कपिलवस्तुसम्म पुगेकी थिइन। प्रारम्भीक अनुसन्धान बाट उनले ती बालिकालाई भारतमा लगेर बेचबिखन गर्ने योजना बनाएको खुल्न आअएको डिएसपी सिंहले जानकारी दिएका छन् ।

कपिलबस्तु जिल्ला अदालतले रोकालाई पाँच दिन थुनामा राखेर अनुस्न्धान गर्न अनुमति बिहीबार प्रदान गरेको थियो । घटनाबारे थप अनुसन्धान भइ रहेको प्रहरीले जनाएको छ ।